Ons is trots daarop om een van die grootste en mees diverse agribesighede in Suid-Afrika te wees. Dié diversiteit word ook weerspieël in ons belangrikste bate: Ons mense. Loopbaanmoontlikhede op verskeie vlakke in GWK sluit onder meer in:
Opleiding en ontwikkeling
Die manier waarop ons besigheid doen, word gelei deur ons waardes. Ons personeel deel en lééf ook ons waardes in ‘n omgewing waar ons geleentheid bied vir groei en persoonlike ontwikkeling.
Beurse
Die Ben Scholtz-beursfonds bied aan studente die geleentheid om ‘n kwalifikasie te verwerf in loopbaanrigtings wat in die GWK Groep bestaan. Hierdie fonds kan aangewend word vir registrasie-, klas- en boekgeld en kandidate wat ‘n kwalifikasie verwerf, word oorweeg vir vakante poste binne die GWK Groep. Indien geen vakante poste beskikbaar is nie, word die beurs omgeskakel na ‘n lening wat aan die Groep terugbetaal word.
Doen hier aansoek vir ‘n beurs
Ander geleenthede
Ons belê in ons mense se loopbaangroei deur vaardigheidsontwikkeling aan GWK-werknemers te bied om spesifieke posvaardighede te ontwikkel. Verder bied ons intern- of leerlingskappe aan skoolverlaters waartydens hulle oor 12 maande ‘n NQF-geakkrediteerde program voltooi en ook ‘n salaris verdien.
Werknemers wat nie gematrikuleer het nie, kry die geleentheid om verskillende vlakke van ABET te voltooi en sodoende hul Graad 12-kwalifikasie te behaal terwyl hulle werksaam is by GWK.
